Zumaia Flysch Trail

Pedro Etxeberriak irabazi du Apuko Xtreme Ultra Trail lasterketa

admin — Thu, 10 May 2012 10:13:49 +0000

Zumaiako korrikalari Pedro Etxeberriak irabazi du 80 kilometroko lasterketa gogor hau, Bizkaiako Güeñes herrian. Beste behin erakutsi du lasterketa luze eta gogorrenetan moldatzen dela ondoen. Euskaltrail webean irakur dezakezue lasterketari buruzko kronika.

Iñurrategi, Vallejo eta Zabalza omenduko dituzte aurten

admin — Thu, 10 May 2012 10:00:49 +0000

Mendiaren munduan nabarmendu diren euskal kirolariak omentzea da Zumaia Flysch Trail lasterketaren helburuetako bat. Zumaiako herriaren mirespena jaso dutenen zerrendan sona handiko kirolariak daude: Patxi Usobiaga (2009); Edurne Pasaban, Alex Txikon eta Asier Izagirre (2010); Josune Bereziartu, Rikar Otegi eta Pako Iriondo (2011).

2012rako, zerrenda horri oraindik ere distira handiagoa emango dioten hiru lagun aukeratu dituzte antolatzaileek: Alberto Iñurrategi, Juan Vallejo eta Mikel Zabalza, munduko mendizalerik onenetakoak. Munduko mendi garaienetan hamaika gailur lortu eta gero, iaz beste balentria bat lortu zuten: Antartika mutur batetik bestera zeharkatzea.

Hiru mendizale hauei buruzko informazio gehiago.

Hemen dituzue 2012ko lasterketaren xehetasun guztiak

admin — Wed, 02 May 2012 10:22:59 +0000

2012ko lasterketaren araudia prest dago jadanik. Bertan aurkituko dituzue jakin beharreko xehetasun guztiak. Egin klik hemen: Flysch Trail 2012">araudia 2012

Uztailaren 22an jokatuko da IV. Zumaia Flysch Trail mendi lasterketa

admin — Thu, 26 Apr 2012 07:05:12 +0000

Zumaiako IV. Flysch Trail mendi lasterketa uztailaren 22an jokatuko da, goizeko 10:00etatik aurrera. Ibilbidea, orohar, aurreko urtekoa izango da, herrigunean aldaketa txiki bat izango duen arren –irteera eta helmuga Eusebio Gurrutxaga plazan izango dira–. Horrela, korrikalariek 31,2 kilometro osatu beharko dituzte, 1.500 metroko desnibelarekin. Lasterketaren koefizientea 47koa da. Junior mailan, 15,2 kilometroko ibilbidea egin beharko dute, 605 metroko desnibelarekin. Izena emateko epea zabalik dago jadanik, eta www.herrikrossa.com webgunearen bitartez egin behar da.

Zozketako zenbaki saridunak

admin — Wed, 27 Jul 2011 10:08:58 +0000

Astelehenean, hilaren 25a, egin zen Zumaia Flysch Traileko oparien zozketa. Bi lagunentzako Mediterraneoan zeharreko itsas bidaia 4291 zenbakiak eskuratu du. Bigarren saria (bi lagunentzako sei zirkuitu eta bi bazkari Zelai hotelean) 3404 zenbakiarentzat izango da, eta hirugarena (lau zirkuitu eta bi bazkari) 4550 zenbakiarentzat. Saridunek turismo bulegoan jaso beharko dute saria. Saridunen bat agertu ezean, …

2011ko lasterketako sailkapen guztiak

admin — Wed, 27 Jul 2011 09:59:15 +0000

Sailkapen nagusia
Taldekako txapelketa
Gizonezkoak
Emakumezkoak
Sub23 gizonezkoak
Sub23 emakumezkoak
Junior gizonezkoak
Junior emakumezkoak
Beteranoak gizonezkoak
Beteranoak emakumezkoak
Zumaiar gizonezkoak
Zumaiar emakumezkoak
Zumaiar junior gizonezkoak
Zumaiar sub23 emakumezkoak
Zumaiar beterano gizonezkoak

Lasterketaren bideo-erreportajea

admin — Mon, 18 Jul 2011 22:15:22 +0000

http://www.youtube.com/watch?v=M5QAjtgAJck

Hemen ikus dezakezue ETBk III. Zumaia Flysch Trail mendi lasterketari buruz egindako erreportajea.

Esker oharra

admin — Wed, 13 Jul 2011 12:06:57 +0000

Zumaia Flysch Trail mendi lasterketako antolatzaileok eskerrak eman nahi dizkiegu laguntza eman diguten erakunde, enpresa, babesle eta mendi federazio guztiei, Zumaiako Udalari, eta bereziki boluntarioei eta herritarrei, beraien lana ezinbestekoa delako proba behar bezala burutu dadin. Eta nola ez, eskerrik beroenak lasterketan parte hartu duten 500 korrikalariei.

Eskerrak eman nahi dizkiegu, baita ere, Josune Bereziartu, Rikar Otegi, Pako Iriondo eta Raul Garciari, beraien presentziarekin lasterketa bultzatzeagatik.

Helburuak bete ditugu aurten ere:

1.- Kirol arloan, 500 korrikalari izan ditugu.

2.-Zumaia eta flyscha ezagutzera eman dugu. Jende asko etorri zen lasterketa ikustera.

3.-Ingurumen aldetik, Aldundiak jarritako arauak bete ditugu eta lasterketa amaitu bezain pronto bazter guztiak txukun uzteaz arduratu ziren boluntarioak.

4.-Aspanogirentzat 3.000 euro bildu ditugu.

Beste albiste batzuk

-Datorren astelehenean, hilaren 18an, lasterketaren erreportajea emango dute ETBsat-en, 22:30ean hasiko den Zu Kirolari saioan.

-Errifaren zozketa uztailaren 25ean egingo da, kiroletako zinegotzi Iñaki Ostolazaren eskutik. Zenbaki sariduna jakinaraziko da hurrengo egunetan.

-Aspanogiri irailaren 15ean emango zaio 3.000 euroko txekea, 19:30ean, Eroski Bidaiaken bulegoaren aurrean.

Jadanik laugarren edizioa antolatzeko lanean ari gara. Mendi federazioetatik eskatu digute erronka handiagoei heltzeko, lasterketa honek arlo guztietan erakutsi duen kalitatea kontuan hartuta. Zuen guztion laguntza ezinbestekoa izango da.

Besarkada handi bat,

FLYSCH KIROL ELKARTEA
Bosco Garitano, Fran Aizpurua, Jose Antonio Gorostola, Iñigo Sáez de Arguedas

Argazki galeria

admin — Sun, 10 Jul 2011 19:54:33 +0000

Hemen ikus ditzakezue aurtengo argazkiak tamaina handian: Zumaia Flysch Trail 2011

Distira Argazki Elkartearekin elkarlanean egindako argazki erreportajea da. Argazkilariak: Luis Alkorta, Arnaitz Rubio Aprea, Carlos Callejo, David de Llodio, Peio Romatet, Marian Zubia, Juan Luis Romatet eta Gorka Zabaleta.

III. Zumaia Flysch Traileko sailkapenak

admin — Sun, 10 Jul 2011 19:24:54 +0000

Hemen kontsulta dezakezue sailkapen orokorra: Sailkapena 2011

Norberaren sailkapena kontsultatzeko berriz, egin klik hemen.